Shillong iaiong 21: U Bah PT Sawkmie MDC ka Mawlai Constituency ha ka 17 tarik mynta u bnai u la leit ban iakynduh ia ki nongkitkam shnong ka Madan Mawkhar ha ka ban iasyllok ia ki jingdonkam jong ka roi ka par.
Ha ka tei ka sngi bah PT Sawkmie u la leit jngoh ruh ia ka jaka tong um, ka surok MNREGS, ka ïing skul, community hall, ki lynti iaid kjat bad kiwei de ki jingdonkam jong ka shnong.
ha ka jingkren jong u u la ong ba shwa ba ngan iakynduh bad ki tnat kiba pher bapher jong ka sorkar, nga sngew ba ka dei ka bynta jong nga ban iakynduh bad iasyllok shwa bad ki nongkitkam shnong.
U la ong nalor ka MDC skhim un pyrshang ruh ia ki skhim um na ka PHE, ka surok na PWD, ka skul, community hall bad kiwei kiwei ki jingiarap na ka sorkar.
Ha ak tei ka sngi la don ki nongkitkam shnong ka shnong kiba kynthup naduh u Bah T Nongshilling Rangbah Shnong Bah SG Kharshiing general secretary bad kiwei de ki nongkren ki la pdiang sngewbha ia u MDC bad ki la pynpaw ia ka jingsngew kmen ia ka jingwan jong u hapoh shnong bad ha kajuh ka por u Bah Sawkmie u la leit ruh ban peit ia ka shnong Umjajew, ka dong Rumnong kaba hap hapoh ka shnong Mawiong Umjapung ryngkat ka shnong Nongkohlew bad Umphrew ha ka jingdon ryngkat ha ka sngi kut jong ka skul sport ba la pynlong da ka Nongkohlew RCLP bad UP Skul (Lower primary bad Upper Primary).
Ha ka jingiakynduh bad kine ki rangbah u la pynpaw ka jingsngew bynñiaw kum u nongmihkhmat namar kat shaba phai ki paidbah ki ia shem jingeh bad bun ki skhim pynroi ki sahkut lut hapoh Mawlai Constituency.(SP News)
