Shillong, Iaiong 07: Mynta ka sngi ha ka jingialap elelction jong ka seng UDP ha Stand Taxi Jaiaw kala paw pyrthei tyngkrein ba ka seng HSPDP ka don hapdeng ka jingiapher jingmud ha kaba kyrshan ia ki kyrtong ha kane ka elelction MP kaban sa long noh ha ka 9 tarik mynta u bnai.
Kumba ka la paw ba u Vice President jong ka seng u Bah Ardent M Basaiawmoit u kyrshan ia u Pastor PBM Basaiawmoit kum ka party HSPDP bad kum u nongialam jong ka seng HSDPDP u la eit ban ialap elelction kyrlleng ia u tei u kyrtong shimet.
Hynrei mynta ka sngi kaba la pynkyndit ia ki paidbah ha kane ka jingialap elelction ka seng UDP ha stand Taxi Jaiaw ka long kawei na ki dkhot jong ka central executive committee jong ka HSPDP ka kong Fanela Lyngdoh kala kren paidbah bad ai ka jingkyrshan ia u kyrtong ka UDP.
U nongpyniaid ia kane ka jingialang u Bah Metbah Lyngdoh u la kam ba ka kong Fanela kala ai ka jingkyrshan ia ka UDP ym tang ha kane ka jingialang paidbah mynta ka sngi hynrei ha kine ki sngi ruh kala leit kylleng ban kyrshan ia u kyrtong ka UDP.
La ong shuh shuh u tei u nongialam jong ka UDP ba da kaba burom ia u Bah HS Lyngdoh president jong ka seng ha kine ki snem ym shym la nud ban leit ieng paidbah ban ia kren sain pyrthei ha Nongstoin, hynrei ha kane ka kynti kaba mynta namar u tei u nongialam ka seng HSPDP ym shym la ieng wat tang ha kawei ka jaka ruh ban ialap elelction u la lei tar sien ban kren ha Nongstoin ban kren na ka bynta u kyrtong ka seng UDP.(SP News)
