Ahmedabad, Rymphang 05: La iasoi ia ka MoU hapdeng ka Rashtriya Raksha University (RRU) bad ka Assam Rifles ha Rashtriya Raksha University, Ahmedabad, Gujarat ha ka 5 tarik Rymphang 2024.
Ia ka MoU la soi da u Dr.BimalNPatel, ViceChancellor,RRU na ka bynta ka RRU bad u Lt Gen PC Nair,PVSM, AVSM, YSM, PhD, Director General Assam Rifles u la soi na ka bynta ka Assam Rifles.
Ha ka jingai jingkren ha ka jingialang, u Lt Gen PC Nair, DG AR u la ong ba ka jingiatreilang hapdeng ka jingshemphang jong ka kynhun jong ki bad ka jingshemphang ka RRU ha ka pule puthi kan pynthikna ban wanrah ia ka jingai jinghikai kaba pura.
Ha kine ki snem, ka Assam Rifles ka la kot sha ki mawmer ba kongsan ha ka jingai jinghikai, kaba pyni ia ka jingkut jingmut bad ka jingiaineh. Ka mynsiem jong ka jingjop jong ngi kam shong tang ha ka jingshlur ki shipai jong ngi, hynrei ha ka jingbha ka pule puthi bad ka jinghikai pyntbit ba ki ioh.
Ki jingjop jong ka jingai jinghikai ka Kynhun jong ngi kilong ka dak jong ka jingkut jingmut bad jingtrei shitom jong man u briew ubaphongia ka uniform. Ngi sngewsarongia ki prokram ai jinghikai kaba wanrah ia ka jingryntih bad ka jingiaineh ha ryngkat ka jingbahkhlieh.
U la ong ruh, “Ha ka juk ha kaba ki jingeh ha ka jingshngain ki dang kyllasted, ka bynta jong ka jingai jinghikai ban pynkhrehia ki kynhun shipai jong ngi na ka bynta ka lawei ka long kaba donkam bha.”
Hashuwa kane, u DrBimal Patel, Vice Chancellor jong ka RRU u la ong ba ka RRU ka phaikhmat ban ioh jinghikai na ki jingshemphang kiba la slem bad ki prokram kiba phaikhmat shuwa sha ka bha ka miat jong ki briew ba ka Assam Rifles ka la sdang da ki phew phew snem ha ka thain shateilammihngi.
U DG u la ong ba ka jingiatreilang bad ka RRU kadei shaphang ka jingtei ia ka jingiadei kaba iaineh ka ban saindur ia ka lawei jong ka Assam Rifles bad kan kyntiew shuh shuh ia ka RRU ruh.
Ka Soskular kan ai jingithuh ia ki jingpule bad ka prokram ai jinghikai jong ka Assam Rifles bad kan ai certificate ia ki jingpule bapher bapher. Kane kan iarap ha ka jingioh jinghikai ha ki jingpule.
Ki jingwad bnahkatkum ki kyndon jong ka skulbah bad pynshlur ia ki jingiatreilang ha ki kam wad bniah, ka jingiapyndonkam lang ia ki nonghikai bad ki projek iatreilang kiba ai jingmyntoi baroh ar liang.
Ha ka thong jong ka ban wanrah ia ka jingpule kaba pura ka Assam Rifles ka la iasoi MoU ruh bad ka Manipur University, Mizoram University bad United Service Institution, Delhi ban wanrah ia ka jingiadei kaba don ia ki jingpule bad ki jingwadbniah kiba iahap bad ki jingdonkam jong ka Assam Rifles.
Ka RashtriyaRaksha University kadei ka jaka pule ba kongsan jong ka ri hapoh ka Tnat Kam Pohiing jong ka Sorkar India, kadei ka NationalSecurity&PoliceUniversity ha India.
Ka Assam Rifles kadei ka kynhun Shipai bad ka hap hapoh ka Tnat Kam Pohiing jong ka Sorkar India. Ka Assam Rifles kadei kaba peit ia ka jingshngain ha ki jaka khappud jong ka India bad Myanmar bad ka iakhun pyrshah ia ki kam pyntriem.
