Tura, Naitung 15: Kawei ka kynhun kieng atiar ia kaba ki pulit ki suba jur ba ki lah ban dei na ka seng GNLA lane na ka seng ASAK kila ia sait bad ki pulit jong ka South West Garo Hills ha ka miet sngi nyngkong.
Kane ka jingiasait kala long ha ka por ba ki pulit ki dang leit ban kyndang ia ka shnong Arrengre kaba don kumba 6 km na Betasing. Kane ka jingleit ka long ba ki pulit kila ioh ia ka jingtip ba ki don ki lehnoh kiba don ha kane ka shnong.
U SP jong ka South West Garo Hills u R Muthu u la ong ba haduh mynta ki pulit kim pat lah ban ong la ki dei ki dkhot jong ka seng GNLA lane jong ka ASAK namar ba kine ki lehnoh ki la ioh ban phet krad sha ki khlaw ba rben.(SP News)
