Shillong Rymphang 20: Ka jingiakynduh lang jong ka seng rangbah Katholik Zone VI jong ka Arch Diocese Shillong kala long ar sngi lynter hapoh Parih Nongpoh Ri Bhoi District bad ka phang pdeng jong kane ka jingialang kaba kila ia kren ka long “To imsngi nyngkong ia ka hima bad ka saindur bad u Blei Un sa pynbiang iaphi”.
Ia ka Lama jong kane ka jingialang la kyntiew da u Bah Ronnie V. Lyngdoh uba long u myntri jong ka Tnad Kam Pynroi ka sorkar jylla ha ka jingiadon lang ki nongkit kam jong ka seng rangbah ha katei ka sngi. Ha kane ka jingiakynduh kila ia kren ruh ba kumno kum u rangbah ki dei ban leh ban bat ia ka jinglong kum u khlieh jong ka iing ka sem.
Ka synjuk ka la iakren kumno ban pynkhlain ia ki rangbah ha ki parish namar ka por mynta ka donkam kham bun ki rangbah ban iatynrong lem ia ka khia ka shon jong ka Balang ha kaba ka jingialang kala ia mynjur ban shim ia kane ka mat.Ia ka jingiakynduh la pynlong ruh da ka nguh ka dem blei ia kaba la pyndep ia ka niam ka rukomd a u Sohblei Bernard G. Pala. Spiritual Director ka Synjuk kum u kongsan.
Ha kane ka sngi la dong lang ruh ka kong Rona Khymdeit MDC jong ka Nongpoh bad bun kiwei kiwei ki riew rangbah bad ha kane ka jingialang la shim ia ka rai bad ia ka jingiakynduhlang jong ka seng ki Rangbah kan long ha Parish Umkadhor ha u snem 2018.