Shillong, Iaiong 08: Ban ialeh pyrshah ia kane ka jingkhaii beain ia ki masi na khappud jong ka jylla Meghalaya sha Bangladesh, kala don ka jingiatreilang ha pdeng ki pulit jong ka jylla bad ki shipai BSF ban khanglad ia kane ka jingkhaii masi beain.
Mynta ka sngi ha ka jingiatreilang ki pulit jong ka Pynursla Police station bad ki shipai BSF kila ioh ban kurup haduh 92 tylli ki masi na shnong Nongskhen ha khappud bad ka Bangladesh, ka jingkurup ia kine ki masi ka long na khappud bad ka Bangladesh.
Ha ka jingkhein jong ki BSF kine ki 92 tylli ki masi kila kot sha ka T.15 lak tyngka, ia kine ki masi la kem na khlaw ha dien ba ki Pulit bad ki BSF kila don ka jingsuba jur ba ia kine ki masi labuh khang ha khappud ban ioh phah sha Bangladesh.
Kane ka jingkhaii ia ki Masi kumba ka long mynta kala jyllei palat na Khasi Hills, Jaintia Hills bad ka SWGH District, man ka por ba ki BSF ki kem na ka liang jong ki nongkhaii ruh kim salia kane ka kdew shai bad ka jur ka jingiohnong na kane ka kam khaii masi tuh sha Bangladesh ong ki shipai BSF.
