Shillong, iaiong 09: Ka pakhang Shnong ba khaddar kynta ba la khot da ka seng Lehnoh ka HNLC mynta ka sngi kaba la sdang naduh mynne mynstep ha ka por 5 baje bad ka la kut noh mynta ka janmiet ha ka por san baje, ka tei ka jing khot pakhang shnong ka long ba ka dei ban trei kam ha baroh ka wei ha Ri Lum Khasi Jaintia.
Ka tei ka jingpynlong da ka pakhang shnong ba la khot da ka tei ka seng kai khlaw HNLC ka la Shah ktah mynta ka sngi khamtam eh ka dei sngi kaba kyrpang ban jied ia ki nongmih khmat na ka 1-Shillong Constitwency ban leit ban mih khmat sha ka iing Dorbar thawain, parliament ha Delhi.
Ka jingkhot jong ki tei ki seng ban pynlong da ka pakhang shnong mynta ka sngi ka daw bad ka ingthmu jong ki ka long bsn pyrshah ia kane ka elelction MP kaba long mynta ka sngi. Kane ka pakhang shong kala ktah ia ka jingpoi jong ki briew sha ki jaka thep vote.
Kane ka pakhang shnong jong ka HNLC kaba mynta ka sngi ka la trei kam bha ha kyndailad ki dukan baroh ha ka tei ka jaka ki khang khyrdep lut, bad kumjuh ruh ha iewduh, bad ki taxi kamai bad ki bus ruh ki duna bha ha ka tei ka kynta pakhang, lada khein ia ki nongleit nongwan ym shym la don satia.(SP News)
