Shillong, Jymmang 23: U myntri rangbah ka jylla u Dr Mukul Sangma dangshen u la leit ban jngoh ia ka Ri Belgium, bad kane ka jingleit jngoh ka long ia ki bynta jong ka Wallonia, Belgium ha kaba la synranlang da u Commissioner bad Secretary jong u myntri rangbah bad ka kynhun na ka tnad rep jong ka sorkar jylla u Sampath Kumar.
Ia kane ka kynhun na ka Ri India la ialam da u myntri rangbah ka jylla Meghalaya, ha kane ka jingleit ka jong ki kila leit ban jngoh ia bun ki jaka hapoh jong ka dong bad ka thain Wallonia jong ka Ri Belgium, kane ka jingleit ka long ban wad kilad ki lynti kumno ban ia shnoh kti lang bad katei ka Ri ha ka liangjong ka rep ka riang.
Nalor ka rep ka riang, kin ia wad ruh ki lad ki lynti kumno ban ia leh ha ka khaii pateng ha pdeng kine ki ar tylli ki Ri bad ha ka juh ka por kumno ban pynneh pynsah ia ka mariang bad ha ka jingia dei ha ka riti dustur.
