Tura July 25: Mynta ka sngi ar ngut ki pulit jong ka jylla Meghalaya kila duh ei iala ka jong ka jingim ha ka jingpynbthei bom jong ki suba lehnoh GNLA ha Tebronggre, jan Rongram, kaba jngai tangkumba 18 km na Tura West Garo Hills.
Kine ki pulit kiba dang pahara ia kane ka surok na Rongram – Dadenggre, kane ka jingbthei bom IED kala jia ha ka por kumba 5 baje jan miet bad ha kane ka jingjia ar ngut ki pulit kila duh ei iala ka jong ka jingim.
Kine ki pulit kiba la iap u wei la tip kyrteng kum u Arphuis Khymdiet bad u wei pat u Lambarthu Suchiang, u ba niah ia ka kali gypsy. U wei pat u pulit u Rahul Marak ula mynsaw jur ha kane ka jingjia ia u la kit sha Guwahati ban phah sumar.
U Superintendent ki police, jong ka West Garo Hills, Mukesh Singh u la ong ba ki don san ngut ki pulit ha kane ka kali gypsy bad ki juh pahara ia kane ka jaka man ka por hynrei ha kane ka sngi u bom IED u la bthei kaba la shim noh ia ka jingim jong ki ar ngut ki pulit. Na ka liang jong u tei u heh pulit u la ong ba kane ka dei ka kam jong ka seng lehnoh GNLA.
Ia ki ar ngut ki pulit kiba la khlad ha kane ka jingjia la rah ia ka met jong ki sha Tura Civil Hospital bad la sngewthuh ba la shai ka sngi kin wan rah sha Shillong ban pynpoi sha kiba ha iing ha sem.(SP News)