Shillong, Risaw 28: Ki pulit jong ka Sardar Police Station mynta ka sngi kila lah ban pynlait ia ki briew kiba wan sei pisa na ki bank da kaba ioh ban bat ia ki lai ngut ki nongtuh kiba juh lute ia ki briew kiba leit ban sei pisa na ki Bank.
Ka jingshah lute jong u Harku Thapa hapoh jong ka UCO Bank ha ka 6.10.2016 ha kaba ki la ioh ban lute T.50000 tyngka, kala pynlong ia ki pulit ban pynjur ia ka jingsyntiat bad da kane ka jingtrei shitom jong ki pulit la ioh ban kem ia kine ki briew mynta ka sngi.
Kine ki briew ki leh mynleh da kaba pynhap ia ki kynja shithi ne kano kano ka thait ha khmat jong ka bank kaba ki mut ban lute ha ka por ba u ne ka ki dang iaid kane ka jingleh ka long ban pynthud ia u ne ka briew kaba ki thmu ban lute bad ha ka por ba ki sangeh kiwei pat ki dang knie ia ka pla ba don ka pisa.
Kine ki nonglute ki dei bas ha bar jong kane ka jylla, ki wan mynstep bad ynda kila ioh ban lute kip het noh bak na kane ka nongbah. Na ka liang jong ki pulit bthah ia ki paidbah ba kin long kiba phikir haba ki mih na ka jingleit don kam jong ki ha ki Bank khamtam ban sei pisa.
