Ampati, September 2: Mynta ka sngi la sam ia ki Cheques kiba khatsan hajar tyngka sha ki kynthie kiba dei ki khun swet kiban san iathoh na ka skhim jong u myntri rangbah kajylla ia kaba la tip kumka “Chief Minister’s Wedding Assistance Scheme” hapoh jong ka South West Garo Hills District, ia kane ka jingsam la pynlong ha Amapti mynta ka sngi.
Katkum kane ka skhim kaba la wanrah da u mynti rangbah ka jylla ha u snem 2014, ka long ba baroh kito ki khun kynthei kiba dei ki khunswet kiba la palat ia ka 18 snem shaneng, kiba la dei ban iathoh shong kurim ki lah ban ioh ia kane ka skhim jong u myntri rangbah. Ia ki phomlah ban ioh na ka ophis jong ki District Social Welfare Officer.
Ki chewues kiba la sam mynta ka sngi ha Ampati ki long sha ki 11 ngut ki samla kiba dei ki khun swet kiba la ia the ktien ba kin sa ia thoh, ha kane ka sngi la synran lang ruh da kito ki samla jong ki ha kane ka jingsam ia kine ki cheques.
Ha ka jingkren jong u, Deputy Commissioner u Bah CVD Diengdoh, u la ong ba kane ka jingiarap jong ka sorkar ka long tang ban pynsngew ha ki ba kim long marwei, ha kum kane ka sngi kaba kyrpang ha ka jingim ka jong ki. Na ka liang jong u DC u la ong ruh iaki ba ynda kila dep ban iathoh kin wan sha ophis ban register. Ha kane ka sngi la don lang ruh bun kiwei kiwei ki nongialam balang ban sakhi ia kane ka sngi.
