Maligaon, February 10: ka kynhun pulit Railway Protection Force (RPF) jong ka N.F Railway kila ioh ban pynlait haduh 6 ngut ki khynnah bad 2 ngut ki kynthei na kti ki nongkhaii briew ha ka por ba ki dang talasi ia ki briew kiba leit ba wan da ka rail ha ka 8/2/2024.
Ha kane ka jingkhynra ki RPF kila ioh ban kem ar ngut ki briew kiba don kti ha kane kane ka kam khaii briew, ia kine ki ar ngut la kem na ki station rel kiba dei na la ka jong ka jong kam dei na juh.
Ki pulit RPF kila dang pykhlain shuh shuh ia ka jingtalasi hapoh ki rail namar ha u bnai Kyllalyngkot bnai bala dep, kila ioh ban pynlait ia ki 41 ngut ki khynnah na ka kti jong ki nongkhaii briew ia kiba la ioh ban pynlait la aiti shaki Child Line ne ki seng trei mon sngewbha bad sha kiba ha iing.
Na ka liang jong ki pulit RPF kila shim ia ki lat ki lynti kiba kyrpang ban Peitngor ia ka jingleit jong wan jong ki briew bad ki da peitngor ban pynthikna ba ki nongkhaii briew bad ka jingiakhun pyrshah ia kine ki riew sniew bad ban iada ruh ia ki nongleit nongwan da ka rail.
Ki pulit RPF haba ki pynlong ia ka jingtalasi ha ki rail ki da peit bha bad haba ki shankhmat ia ki ba don hapoh rail ki kylli bad haba iohi ba ki khynnah ki iaid ruma hapoh rel ne ki station rel kibat bad kylla ban tip ia kiba ha iing ha sem.
