Tura, Nailar 13: Ki pulit jong ka jylla Meghalaya mynta kila ioh sa kawei ka jingjop ha kaba ia khun pyrshah ia ki lehnoh ha Ri Lum Garo ha kaba kila ioh ban pynpra sa kawei ka ktem jong ka seng lehnoh GNLA ha South GaroHills.
Ha kane ka jingleit bankyndang ia kane ka ktem kala don ka jingiasiat kaba tang khyndait, ha kane ki pulit kila ioh ban kem san ngut ki dkhot jong ka seng GNLA na kane ka jaka, u wei na pdeng jong ki u la mynsaw jur bad la rah ia u ban sumar ha Tura Civil Hospital hynrei u la khlad noh na ka daw jong ka jingphlei snam.
Kiwei pat ki saw ngut kiba la ioh ban kem mynta ki dang don ha kti jong ki pulit bad ka jingkhynra ha katei ka thain ka dang iaid sha khmat. Ha kine ki khyndait sngi ki pulit kila ioh ban pynpra ia ka ktem jong ki GNLA ha Durama Hills.
