Nongpoh Iaiong 15: Ka Shnong Mawtari Thaiang, kaba dei ha Ri-Bhoi district, ka la ioh ia ki nongkitkam ba thymmai ha kaba ki paidbah ka shnong da kawei ka jingmut ki la jied noh ia u Rangbah Shnong thymmai jong ka, ia uba la pynskhem ruh ha ka juh ka sngi.
Katei ka shnong ka la jied ia u Bah Tolbin Umbah u la long u rangbah ka shnong uba thymmai ban shimti ia ka lyngkor kum u Rangbah Shnong ka Mawtari Thaiang bad u Bah N Mynsong u la long u Asst Rangbah Shnong u ban iarap ia ki kam ha ka jingbym don u Rangbah Shnong.
Ha katei kajuh ka sngi nalor u Rangbah Shnong bad Asst Rangbah Shnong, la jied ruh ia u Bah P Nongshli kum u general secretary, u Bah S Umbah kum u asst general secretary bad kiwei kiwei ki dkhot committee jong ka shnong.
Na ka liang u Bah J.L Umbah, Rangbah Shnong barim, u la aiti lut ia baroh ki kot ki sla bad ki jingdonkam jong ka shnong bad ruh u la aiti ruh ia ki kam shnong kam thaw ha ki tyrpeng jong u Bah Tolbin Umbah, rangbah shnong ba thymmai.(SP News)