Shillong, Nailar 28: u Bah Ferdinand Suchiang, u ban a ka jylla Meghalaya u ba trei hapoh jong ka Meghalaya Home Guards ha ka jingiakura kaba la long ha ka sngi u blei ha Assam ha ka 4th Northeast India Jeet Kune Do Championship u la jop bad rah ia ka takma ksiar. Ia kane ka jingialehka kala long ha Sarusajai sports complex boxing ring Guwahati, in Assam.
U Bah Suchiang u la pynliem ia u nongiakhun pyrshah u ba na ka jylla Assam ban ioh rah ia kane ka takma ksiar ha kane ka jingia khun na pdeng ki shynrang. U Bah Suchiang u dei u dkhot jong ka pipe band na ka Central Training Institute (CTI) jong ki Home Guards bad Civil Defence ha Mawdiangdiang. Une u rangbah u la jop bun ki jingialehkai ha ka liang jong ka jingiakura.Da kane ka jingjop kala pynlong ba mynta u mih khmat ia jylla Meghalaya ha ka jingialehkai ka ban long ha Kolkatta ha ka 9 bad 10 tarik u Nailur.