Shillong, Lber 31: Ka kynhun ialehkai jong ka 1st MLP ka la pynliem noh ia ka Victoria da 79 run ha ka Second Division Cricket League kaba la pyniaid da ka Shillong Cricket Association.
Ka Victoria ka la jop ha ka ia kynting pisa bad ai lad ia ka 1st MLP ban tied nyngkong kaba la kamai 133 run na bynta 9 wicket ha ki 20 over.
U Gautam ula kamai 45 run na ki 28 bol. katba u Sujan ula pynliem 2 ngut na bynta 17 run ha ki 4 over.
Ka Victoria kaba la wan ban beh nadien ka la kamai tang 54 run ha ki 15.4 over. U Bilash ula pynliem 2 ngut na bynta 16 run ha ki 4 over.
Ha kawei pat ka jingialehkai ka Matrisang ha ka la jop ia ka Occult da 7 wicket.
Ka Matrisangha ka la ailad ia ka Occult ban tied nyngkong ha kaba ka la kamai 45 run ha ki 15.3 over.
U Pawan ula kamai 23 run ha ki 37 bol. katba u Roop ula pynliem 4 ngut na bynta 13 run ha ki 4 over.
Ka Matrisangha kaba la wan ban beh nadien ka poi sha ka thong 51 run bad liem noh 3 wicket ha ki 7.3 over. U Shubham ula kamai 18 run na ki 18 bol.(SP News)
