Shillong,Nailar 22n: Ia ka jingialehkai jong ka Shillong Premier League (SPL) jong u snem 2016 la sdang mynta ka sngi, ha madan polo, ha kane ka sngi sdang la pynlong ia ka jingialehkai hapdeng ka Shillong Lajong FC bad ka Rangdajied FC , hakane ka jingialehkai ka Lajong kala jop pyrshah ia ka Rangdajied FC.
Ka shillong Lajong kala ioh banthep 2 kol bad ka Rangdajied kala ioh ban thep tang shikol. Ha kane ka jingialehkai na ka liang jong ki rangialehkai jong ka Shillong Lajong FC kila ia leh tyngeh ban poi sha ka jingjop, na ka liang jong ka Rangdajied ruh kila ia khun tyngeh ban poi sha ka jingjop.
Haka jingiakhun u Samuel Lalmuanpuia u la lah ban thep ia ka kol kaba nyngkong n aka bynta jong ka Lajong FC, kane ka long ha ka kylla step bad ha ka kylla miet jong ka jingialehkai u Redeem Tlang u la thep ia ka kol kaba ar n aka bynta jong ka Lajong FC.
Wat la ka Rangdajied kala shah the par kol, hynrei kala ialeh katba lah ban pynphai bad ha ka kane ka jingkhun kaba I tynnad na ka liang jong u Khwetelhi Thopi, u la thep shikol na ka bynta jong ka team Rangdajied.
Ka Shillong Lajong FC kan ia lehkai biang haka 26 tarik mynta u bnai pyrshah ia ka Royal Wahingdoh FC haka juh ka jaka.