Mawkyrwat, Lber 03: Ka jingniew vote sha ka ilkeshon MDC shiteng samoi na 26-Langrin Konstitwensi sha ka iing dorbar jong ka KHADC kala long mynta ka sngi ha Mawkyrwat ha kaba u kyrtong ka UDP u Bah Pius Marwein u la jop ia kane ka MDC ilekshon.
Ha kane ka jingianiew vote, u Bah Pius Marwein na ka UPD u la ioh 13821 vote, u Bah Jotin Khardewsaw jong ka seng Congress u la ioh 6842 vote katba u bah Kitborlang Nongrem jong ka NPP u la ioh tang 3222 vote.
U bah Pius Marwein u dei u MLA ruh jong katei ka jaka, kane ka ilekshon shiteng samoi kala wan hapoh ka dei ka MDC konstitwensi ha dien ka jingkhlad noh u Bah Nasar Marwein MDC u ba la jop ha ka general MDC ilekshon.
Na kane ka ilekshon MDC shiteng samoi mynta kala paw shai kdar ba u MLA barim jong ka Ranikor u Martin M Danggo u dang ioh ia ka jingkyrshan jong ki paidbah wat la u mih na ka seng NPP kaba don ban leit ban kyrshan ia u kyrtong ka seng Congress.
