Shillong, Iaiong 21: Ka elekshon ban jied ia u Shongknor ka iing dorbar thawain jong ka Garo Hills Autonomous District Council (GHADC) kala long mynta ka sngi ha kaba u Rakesh A Sangma jong ka NPP u la jop pyrshah ia u kyrtong ka Congress u Cherak Watre Momin.
Ha kane ka jingiathep vote u Rakesh na ka NPP bala pynieng da ka kynhun Garo Hills Democratic Alliance (GHDC) u la ioh 16 vote katba u kyrtong ka Congress u Cherak W Momin u la ioh 12 Vote baroh ki MDC kiba la wan ban thep vote ha kane ka elekshon ki long 28 ngut.
U ba pep khlem wan ban thep vote dei u Bernard N Marak na ka party BJP. Da kane ka jingpep jong u tei u MDC na Tura kala pynlong ba u kyrtong ka GHDC u la jop da saw vote pyrshah ia u kyrtong ka Congress.
