Shillong, Iaiong 08: Mynta ka sngi ha ka por kumba 11.45 baje ei ei mynsngi kala don ka jingpuh ding kaba kynsan kynsan ha Barapathar ha kaba phra tylli ki iing kila julor ha kane ka jingjia ha kaba ka jingduh kala long da ki lak tyngka.
Katkum ka jingiathuh jong ki briew kiba shong ba sah ha Barapathar kila ong ba bun na kine ki iing ki dei ki iing dieng bad ka jingjur jong ka lyer kala pynklang shuh shuh ia ka jingkem ding sha kiwei ki iing.
Katkum ka jingiathuh jong ki briew la ong ba la don ba tiew shah ha ding bad la ieh kumnot khlem da pynlip ia ka ding bad kane kala pynlong ba kem ding.
Ki kali pynlip ding kila poi sha kane ka jaka kumba phra tylli hynrei katban da poi ki kali pynlip ding bun na ki iing kila dep ieng namar ba ki dei ki ing lyntang hynrei ka jingpoi jong ki kali pynlip ding ka la iarap ban khanglad ia ka jingklang jong ka ding sha kiwei ki iing ba marbaj.(SP News)
