Shillong, Naitung 14: U bah Heading Son Myrthong President ka All Mawsynram Development Council, Lawbah Area Unit u la ong ba ka jingkynnoh ia u Bah Himalaya Shangpliang IAS, Secretary ka tnad ka koit ka khiah u ba dei ruh u CEO jong ka MHIS-III u la leit sha katei ka jingialang ka long halor ka jong khot jong ka seng bay n pynshai paidbah ia ka tei ka skhim kaba ka sorkar ka pyntrei kam na ka bynta ki paidbah ka jylla.
Ka tei ka jingialang kam la dei satia kaba u wan ban ai khublei kitbok kit rwiang ia ki nong kit kam jong ka Congress hynrei ka dei ka jingkhot kyrpang jong na ka liang jong ka seng AMDC ba un ai ka jingkitbok kit rwiang ia ki nongialam jong ka All Mawsynram Development Council Lawbah Area Unit bad ruh ban pynshai halor ka jingshon dur na ka bynta ka skhim MHIS-III khnang ba kum ka seng kan dang iaid sha khmat ban pynsngewthuh ia ki paidbah namar bun ki paidbah na katei ka thain ki sheptieng ban leit shondur namar kila don kiba la pynsngewthuh ba kala haba ia dei bad kane ka MHIS.
Kum ki nongalam bad ki dkhot na katei ka thain ki sngewthuh ia ka jingdon kam ia kane ka skhim MHIS-III, da ka jingioh ia ka jingshai na u briew ba deipeit ia kane ka kam, ki ruh kum ki riew paidbah kiba don hapoh ka seng ki lah ban pynshai lem ia kiwei pat halor kane ka skhim MHIS-III kaba ki paidbah ki don kam ban ioh.
Na ka liang jong ka AMDC, ka ong ba kane ka jingkynnoh pyrshah ia u Bah Himalaya Shangpliang ka long ka bym don nongrim haei haei ruh bad kane ka dei tang ka jingshim kabu bad ka jingkynshoit da mano re re mano ban pynjah burom, na ka liang jong ka AMDC Labwah Unit ka sngew ban kyntu haba leh ia kano kano dei ban daw at ia ki jingshisha ym ban pynjah burom iano iano, kum ka seng ka pynrem jur ia ki nongleh kaba khlem don nongrim. La ong u Bah H S Myrthong president ka AMDC bad u Bah Anondo Hynniewta Secretary AMDC, Lawbah Area Unit .
