Shillong, Kyllalyngkot 17: Ka Inspiring Youngsters Club ha ryngkat ka jingiatreilang bad ka Office jong u District Sports Officer jongka South West Khasi Hills District ka khot ka wer iaki Sports Club shnong ne ki Club shimet napoh u pud u Sam jongka South West Khasi Hills District ban wan ia shim bynta haka “3rd Inspiring Youngsters Under 16 Football Tourney,2017”.
Ka Knock out Tournament na bynta ki khynnah kiba kha hadien iaka 01.01.2001 ia kaba la khmih lynti ba yn sdang noh ha u bnai February mynta u snem. Kumta kino kino kiba kwah ban wan ia shim bynta ki dei ban Kynmaw ba,Ka bai rung na bynta kawei ka Team ka long Rs.1,000/- bad ka khusnam ban ioh kan long Rs. 20,000/- + trophies ha kaba yn don ruh ki Individual Prizes na bynta ki players.
Iaki form phi lah ban ioh naka Office jong District Sports Officer, South West Khasi Hills District naduh Ka 23.01.2017 bad Ka last date ban submit kan long haka 03.02.2017. Ba yn pdiang iaki teams ym palat iaka 32 tylli.
