Shillong, Jymmang 16: Ka Meghalaya Cricket Association (MCA) mynta ka sngi kala pynlong ia ka jingpdiang sngewbha ia u Chairman jong ka National Cricket Association (NCA) u Dilip Vengsarkar u ba la wanbanjngoh ha ka sngi kaba nyngkong ia ka dong shatei lam mih ngi jongka Ri India bad khamtam eh ia ka nongbah Shillong.
Haka jingkren ka jong u ha kane ka jingialang pdiang sngewbha u la ong ba na ka liang jong ka BCCI ka kloi ban ai ki jingiarap ban kyntiew ia kane ka jingialehkai ha kane ka bynta jong ka Ri India ban don ia ki madan kiba biang khnang ba ha kawei ka sngi kin mih ki rangialehkai na kane ka thaiñ.
Ha ka juh ka por u la ong ba ha kane ka nongbah Shillong ka don tang kawei ka madan kriket bad kane ka long kaba eh ia ki rang ialehkai ban ioh ia ka jinghikai kaba tbit ki don kam ban mih sha bar ban ialehkai bad kiwei ban ioh ban sngewthuh kumno kane ka jingialehkai.
U Chairman ka NCA u la ong ba u khot sngewbha ia ki nongïalehkai kane ka thaiñ ba kin ialehkai bad ki kynhun kiba na Mumbai, kane kan iarap ia ki ha kiba bun ki liang namar ka jingïapher jong ka madan na kawei ka jaka sha kawei ka jaka.
