Shillong, Iaiong 21: U nongialam jong ka BJP u Dr Himanta Biswa Sharma u la ong ba ka BJP kan pynthikna ba u Dr Mukul Sangma yn rem ha kane ka MLA election kaban wan na Ampati Constituency, u la ong bay n nym leit ban ia kynduh ia u katba um pat rem ha ka election.
Haba kren ha ki nongthoh khubor ha dien jong ka jingialang jong ka 5th State Executive Committee meeting jong ka party BJP kaba la long mynta ka sngi ha Assembly Hotel,u Dr Sharma u la ong ba u khlem ia kynduh ia u Dr Mukul na duh u snem 2012, halor ka jingong ba u yn thaw ia ka sorkar BJP ha u bnai Jymmang u Dr Sharma u la ong ba kam don kaba kum kata bad u Dr Mukul u khlem pan hi ruh.
U Dr Sharma u la ong ba ka BJP mynta kala pynkhreh ia ki kam kiba kane ka sorkar Congress ka leh hapoh jong ka jingialam jong u Dr Mukul ban kdew ia ka jingbym lah ban trei kam ha kane ka jinglong myntri rangbah jong u Dr Mukul Sangma bad ha ka juh ka por ka party kala pynkhreh ia ka election kaban long ha u snem ban wan.
Haba ia dei bad ka jingbuh ia ka “Good Governance” ha ka 25 tarik jong u bnai Nohprah kaba dei ka sngi Khristmas, u Dr Sharma u la ong ba ia kane la weng noh bad la buh da ka taiew “Good Governance Week” kaba mut ki briew ki la leh ban rakhe ia kane ka taiew khlemd a ktah ia ka Khristmas kaba ei ka sngi kha u Atal Behri Vajpayee u myntri rangbah duh ba rim jong ka Ri.
Haba ia dei bad ka jingrakhe ia ka sngi “ Digital India” kane ka jia ryngkhat ba mynta u snem ka ia hap bad ka sngi thohdieng bakhuid, hynrei kam don kata ka jingong ban leh khnang, ha kiwei ki snem ka jingrakhe ia ka Digital India kan long ha ka 14 tarik u bnai Iaiong, katba ka sngi Thohdieng ba khuid kan long ar sngi shuwa lane ar sngi ha dien jong ka sngi rakhe ia ka Digital India jong u bnai Iaiong.
U tei u nongialam jong ka BJP u la ai ka jingkular ba ka BJP da lei lei kan nym ktah ia ki riti dustur jong ki paidbah jong ka Ri khamtam jong ki Rit paid, hynrei ka BJP kan ai ka jingiada ia ki bad kan kyntiew ia ki, ha kaba ia dei bad ka ktein ka BJP kan nym wanrah ia kano kano ka jingpynbor ban pule ia ka ktien jong kiwei, hynrei kan pynbor ba ia ka Ktien Khasi bad Garo ha ki skul ba dei ban ai jinghikai ha duh Class X.
U tei u nongialam jong ka BJP u la kam ba ha u snem 2018 ka BJP kan thaw ia ka sorkar ha kane ka jylla Meghalaya bad kan pynieng ruh ki kyrtong ha baroh 60 tylli ki constituency, ka phang kaba ka BJP ka iohi ka long tang kawei pat kata ka long ki kam pynroi ki kam pynroi u la bam.
