Shillong, Jymmang 02: U myntri rangbah jong ka jylla u Dr Mukul Sangma u la ong bas a peit ka BJP kan sa ktha khlieh ia u Himanta Biswa Sharma, “ ngan shu ong lpa hapoh shisnem une u juh u briew un sa dawa ba dei ban bujli noh ia u myntri rangbah ba mynta ka jylla Assam u Sarbananda Sonowal”
Kane ka jubab jong u myntri rangbah ka long halor ka jingkylli aiu u don ban ong ia ka jingkam jong u nongialam ka BJP u Himanta Biswa Sharma bay n pynthikna ba u Dr Mukul u dei ban rem ha kane ka election 2018 na Ampati.
U Dr Mukul u la ong ba baroh ki paidbah ki tip u ei u Himata Bisawa Sharma, balei u mih noh na ka seng Congress ka daw ka long ba u kwah ban long myntri rangbah, kane ka juh ka jingleh kan sa pynktha khlieh ia ka BJP kam dei ban tuklar ia ka kam jong ki wei.
Haba ia dei bad ka jingdon jong ka BJP ha ka Ampati u la ong ba kam dei shuh kaba thymmai ka BJP kala don naduh u snem 1991 bad ha u snem 1993 u la ia khun ia ka election bad u la jop kum u kyrtong shimet, ka BJP kala ialeh ban pynsuh thied ia ka party ha kiba bun ki bynta jong ka jylla bad kala jop ruh katto ki MLA.
U Dr Mukul u la ong, “ Nga sngewsynei ia ki briew kiba kynnoh namar ba kim tip ia ka jingshisha ha kaba ia dei bad ka roi ka par ha kane ka jylla, kiba kren kila dei ban da tip shuwa bad sa kren”.
