Shillong, Rymphang 26: U bah Paul Lyngdoh u la ong ba ka phang Citizenship Amendment Bill, kam dei ka jingpyrkhat jong ka party, hynrei ka dei jong ka seng Congress bad ia kane kala paw na ka shithi jong u myntri rangbah duh ba rim jong ka Ri India u Jawaharlal Nehru bam kwai ha dwar u blei kaba u la thoh sha u myntri rangbah ka jylla Assam Gopinath Bordoloi ha u snem 1949.
Ka congress kala pynrung beain ia ki briew katba ka BJP ka kwah ban wanrah da ka ain kane baroh ar ka buh jingma ia ka jylla. U la ong ba ka BJP ka wahnrah da ka ain bad ka Congress ka wanrah na dien la kynnoh u tei u nongialam ka UDP, u la ong kaei kaba kham ma ai ki paidbah kin bishar.
Dei halor kane ba ka party UDP mynta kan jngai na ka seng Congress bad kum juh na ka seng BJP. Haba phai sha ka NPP, u Bah paul u la ong ba ha kane ka ilekshon MDC kala don ka jingia kren ba kin ia trei lang hapoh ka EC, hynrei u kyrmen ba ka UDP kan ioh ia ka bor synshar marwei ha KHADC bad JHADC namar ka la buh ia ki kyrtong 27 ngut ha KHADC bad 26 ngut ha JHADC.
Haba jubab ia ki jingkylli haba ia dei bad ka jingthaw ia ka EC, na ka liang jong u Bah Paul u la ong ba ka UDP ka kyrmen ban ioh ia ka jingshynshar ha kine ki ar tylli ki District Council, lada kam long kumta kin sa ia shong pyrkhat hynrei kala pynthikna ba ka UDP bad ka NPP kin ia thaw EC lang ha kitei ki ar tylli ki District Council.
