Shillong, Rymphang 21: U Shongknor ka iing dorbar jong ka KHADC u bah Lamphrang Blah mynta ka sngi u la pyntip ba la khot ban pynlong ia ka dorbar mang tyngka jong u snem 2022-2023 ka ban sdang ha ka 8th Lber 2022.
Haba kren ha ki lat pathai khubor la pyntip ban a ka liang jong ka ophis jong ka Legislative kala phah ia ka jingtip ha kaba ia dei bad kane ka dorbar sha baroh ki dkhot ka iing dorbar jong ka KHADC.
U shongknor la ong ba ia mynta ym pat lah ban ong katno sngi ka jingiashong dorbar kan long namar ym pat ioh lut ia ki jingpyntip na ki dkhot ka iing dorbar bad kum juh na ka executive Committee ynda la ioh la lah ban ong katno sngi kan long.
La iathuh ba na ka liang jong ka ophis kala ioh pdiang katto katne ki motion, ki resolution, na ki dkhot ka iing dorbar bad la khmih lynti ba kin dang don shuh kaba kin dang ioh khatam tam en ka EC, la ong u shongknor ka iing dorbar ka KHADC.
