Shillong, Iaiong 03: U General Secretary ka BJP ba dei peit dong shatei lam mih ngi ka Ri India u Rituraj Sinha la ong ba ka kam jong ka party ka long ban ialeh tyngeh ban poi sha kathong bad ha ka synshar paidbah haba la niew vote bad ki pdiang ia ka rai jong ki paidbah.
Haba jubab ia ki jingkylli na ka liang u nongialam ka BJP la ong ba naduh u snem 2018 ka BJP kala dang kiew ha kane ka jylla bad ka jignwan rung ki briew sha ka party la ka dang bun bad mynta kila lah ban pynieng kyrtong baroh 60 tylli ki konstitwensi.
Kumba paw ki paidbah kila wan ban iatuid sha ki jingialang jong ka party bad ka sah mynta ha ka party ba kin ia peit bniah, ka dei ka jingshisha ba u myntri rangbah duh jong ka Ri India u Narendra Modi, u myntri kam poh iing u Amit Shah bad kiwei ki myntri sorkar kila wan hynrei kila jop tang ar ngut.
U Rituraj la ong ba ka elekshon kala kut bad mynta kala dei ka por ban pynthikna ba ka jylla Meghalaya kan ioh ia ka sorkar kaba skhem, kumba ka long ka jylla Meghalaya ka dang don shibun ki jingeh ha ka liang ka roi ka par bad ka jngmih na ka jylla ka dong ha ka jingeh.
Kumba ka long mynta ka dei ka kamram jong ka sorkar pdeng bad ka sorkar jylla ban wanrah ia ki lat ki lynti kumno ban weng ia ki jingeh ka jylla ban trei na ka bynta ka roi ka por jong ka jylla Meghalaya la ong u Rituraj.
Haba jubab ia ka jingkylli la ka BJP kan weng ne em ia u bah Ernest Mawrie kum u state president jong ka BJP la ong ba ia kane ka bynta dei tang u National President ba lah ban shim ia ka rai lada don kam kum kata ia mynta kam shym don kum kata ka jingiakren.
Haba ia dei bad ki kam bamsap u Rituraj la ong ba ki kam bamsak ka party BJP k niew kum ka jingpang bampong bad ka long pyrshah ia ki kam bamsap bad ka pyrshah ia ka jingsynshar kaba wan na ka juh ka iing bad ka pyshah jur ia kito kiba ialeh pyrshah ia ka Ri.
