Amapti Jylliew 06: U Chairman jong ka Garo Hills Autonomous District Council (GHADC) u Boston Marak u la ong ba kin ia treilang bad ki bor jong ki District na ka bynta ban wad ia ki lad ki lynti kumno ban khanglad ia ka jingpyndon kam ia kip la plastic, kane ka long ban pynneh pynsah ia ka mariang.
Ia kane ka kren da u Chairman ka GHADC u Boston Marak ha ka sngi ba rakhe ia ka sngi pynneh mariang ha t Ampati Degree College ia kaba la pynlong da ka Garo Student’s Union da ka jingiatreilang bad ki bor jong ka district. Ka phangpdeng jong kane ka jingialang ka long “To ngin ia snoh kti lang ban pynneh ia ka mariang”.
Ha kane ka sngi u Chairman jong ka GHADC, u la ong ba ai ki khynnah skul kin long ki nongrah ktien ha kane ka kam, ha ka juh ka por la kyntu ia ki dei ban don ia ka jingkit khlieh ban shim ha lade ba dei ban pynneh pynsah ia ka mariang. Kumba 700 ngut ki khynnah skul kila ia poi na kylleng ka tei ka thain Amapti.
