Shillong, Naitung 19: U Syiem khynnah jong ka Hima Nongkhlaw u bah KM Syiem u la iathuh ba mynta u snem ka Hima Nongkhlaw kala khreh ban lei twat noh ia ka jaka ba khlad u Syiem Tirot Sing Syiem u syiem ba khraw jong ka hima hynrei kala wan noh ia kane ka khlam COVID-19 la hap ban pynsangeh noh.
Haba kren ha u SP News Agency u Syiem khynnah jong ka Hima Nongkhlaw u Bah KM Syiem u la iathuh ba na ka liang jong ka hima kala pynkhreh la kham slem ban leit wat ia ka jaka ba thikna kaba u Syiem ba khraw jong ka hima u khlad ha Decca kaba la tip mynta kum ka Dhaka hapoh ka Ri Bangladesh.
Haba ia dei bad kane ka jingpynkhreh ban leit wat ia ka jaka ba thikna kaba u Syiem ba khraw jong ka hima u Tirot Sing Syiem u khlad kala don ka jingia kren ruh bad ki briew kiba don ka jingiajan sha Bangladesh bad kila khreh ban leit mynta us nem hynrei ka wan noh kane ka khlam COVID-19 kila hap ban sangeh.
Na ka liang jong u Syiem khynnah u la kren sai ba ka hima kan wat ban lap ia ka jaka kaba thikna kaba u Syiem ba khraw jong ka hima u khlad ha Decca kaba dei ka Bengal ha kito ki por bad mynta kala hap ha Dhaka hapoh ka Ri Bangladesh.
Haba ia dei bad ka dur jong u Syiem Tirot Sing kaba baroh ki ia pyndon kam mynta, na ka liang jong u Syiem khynnah u la kren shai ba ki hap ban pdiang ia kane namar dei ka sorkar pdeng kaba la pynmih ia ka stam jong u Syiem kum ka jingburom ia u, hynrei na ka liang jong ka Hima kan dang iai wat lada don ka lat ban ioh ia ka dur ba shisha jong u Syiem Tirot Singh.
Lada kum ka hima ka ioh ia ka dur ba shisha ka jong u kan hap ban shim ia kata, hynrei ia mynta namar ba kim pat ioh ia ka dur ba shisha jong u ki hap ban pyndon kam ia kane ka dur kaba ki pyndon kam mynta ia kaba la pynmih da ka sorkar pdeng ha ka dur jong ka stam kim don lynti da kumwei pat.
Ka dei ka jingshisha ba u Syiem jong ka Hima Nongkhlaw u khlad ha ka rta kaba dang ha pdeng ka 35 snem ei ei, hynrei ka dur kala paw kum u ba la kham rangbah, hynrei ia kane kim lah ban leh ei ei ia mynta la ban biang u Syiem Khynnah ka hima nongkhlaw namar ba kim don ia ka dur ba shisha jong u kin dang iai wat bad kymren ba kin ioh bad yn da la ioh ia ka dir ba shisha kin sa ia peit kumno ban leh ha kaba ia dei bad ka dur.
