Shillong, Risaw 13: U president jong ka seng United Democratic Party (UDP) u Dr Donkupar Roy ha ka jingialang jong ka party hapoh Pynursla u la kren ha ka jingialang paidbah ba lada ka seng HSPDP ka khlain katno katno ruh kan lah ban ioh tam lai ngut ki MLA ha u 2018.
Kane ka jingkren jong u Dr Donkupar sha phang ka HSPDP ka long halor ka jingong batei ka seng kala khlain bha mynta, hynrei na ka liang jong u tei u nongialam jong ka seng UDP u la ong ba lada ka HSPDP ka khlain katno katno ruh kan nym ioh palat ia lai ngut ki MLA.
Ha ka jingkren jong u tei u nongialam jong ka UDP, u la ong ba mynta to kin ia khot lang ia kiwei ki para seng riewlum ban ia trei bad ka seng UDP, bad ka UDP ka iohi ba ha u snem 2018 ka seng kan wan ha ka bor, u la kyntu ba to kin ia sdang trei naduh mynta bad kane ka seng kan jop noh ha u 2018.
