Shillong, Naitung 01: Ka Meghalaya Pradesh Mahila Congress (MPMC) mynta ka sngi kum ka dak jong ka jingpyrshah ia kaei kaba la jia ia kawei na ki long kmie khasi ha Delhi Golf Club, ka kong Tialin Lyngdoh kaba la shah beh na katei ka jaka tang na ka daw ba ka sem Jainsem.
Na ka liang jong ka MPMC ban pyrshah ia kane ka jingjia kala pynlong mynta ka sngi da ka jingiaid paidbah ha kaba kila sdang na Congress Bhavan bad pynkut ha additional secretariat ha ryngkat ki jingrah ia ki placard ban pynpaw ia ka jingpyrshah ka jong ki.
Ha ka jingiaid paidbah kila ia pyrta ba ka Jainsem ka dei ka raim tynrai khasi, baroh ki long ki nong India, ki pynrem jur ia ka DGC kaba la leh ia kane ka jingniew beain ia kane ka raim tynrai khasi bad ka seng ka dawa ba ka tei ka club ka dei ban pan map na ka kong Tailin.
Ia kane ka jingiaid paidbah la ialam da ka MLA ka Bluebell R Sangma bad ka kong Mary Ann Pohshna kawei na ki nongialam jong ka seng Congress. Ki dkhot jong ki Mahila kila ia poi na kylleng ki constituency jong ka East Khasi Hills District kiba don ia ki Mahila.
