Amapti, Jylliew 10: Ka jingrakhe ban pynneh ia ka mariang kaba shitaiew lynter ha South West Garo Hills la pynkut mynta ka sngi ha kaba u myntri ka tand ialehkai u Zenith Sangma u la long u kongsan. Ha ka jingkren ka jong u ha kane ka sngi u la ong ba u don kajingkyrmen ba baroh ki ba wan ban ia shim bynta ha kane ka sngi rakhe pynneh ia ka mariang kin long ki nonglam ktien ban pynneh pynsah ia ka mariang.
U la ong ba ka jingrakhe ia kane ka sngi kan nym don jingmud lada ym lah ban pynduh ka jinglong ban pynjot ia ki khlaw ki btap, u la ong ba dei banthung shibun ki dieng ban iada na ka jingkhluid jong ka mariang bad ban iada na ka jingtyrkhong jong ka um. Kane ka jingrakhe ka dei ban long kaba don jingmut bad ban leh ia kaei kaba dei ban iada ia ka mariang.
Haba ban halor kane ka phang ban pynneh pynsah ia ka mariang, na ka liang jong u myntri ka tand ialehkai u la ong bay m dei ban leh tohmet ia ki mrad ki mreng, u la bong ba ha kip or ban sa wan yn sa shna ain bad ban pynlong ba dei ban pynshitom ia kiba leh bad pynshitom bein ia ki marad.
Haka jingkren jong u Winnerson D Sangma parliamentary secretary ba dei peit ia ka tand kam poh iing u la kyntu ba dei ban thung shibun ki jaid diengsoh ha ki jaka paidbah, u la ba lada thung da ki diengsoh ym tang ba ka pyntngen ia ka mariang hynrei kan ai jingmyntoi ruh. Kiwei kiba la kren ha kane ka sngi ki long U DC jong ka South West Garo Hills u Ram Singh bad kiwei kiwei kiheh sorkar. Ha kane ka sngi la sam ruh iaki khusnam ha ki nongjop ha ki jingiakop bapher bapher.
