Shillong, Kyllalyngkot 11: u Bah Erwin K Syiem haba kren ha ka jingia iaid paidbah jong ban pyrshah ia ka jingshah thombor jong ki kynthei khynnah mynta ka sngi ha Additional Secretariat u la ong ba “ka jingsniew kabasniew tam ka dei ka jingsngap jar”.
U la ong ba kum ka jaidbynroiew lane kum ki paidbah nongshong shnong jong kane ka jylla la shu ia sngap jar ia kaei kaei kaba jia sawdong saw kum ka por kala dei ban ia mih paidbah ban ia kren ia kaei kaba jia ka long pyrshah ia ka long briew man briew.
U la ong ba kum u long kpa u pynrem jur ia kine ki jingjia baroh bad u la ong ba ai ka ain kan leh ia kaba don kam ban pynshitom ia kiba la leh ia ka kam sniew. U la ong ba nangne sha khmat lada don kano kano ka jingiakhot ban ia mih paidbah dei ban ia mih ym ban shu ia kren tang ha ki depei iing.
U Bah S Kharjana u president jong ka KDA ha ka jingkren jong u la ong ba kine ki nongleh kam sniew kim salia wat ia ki khynnah kiba don ka jingduna ha ki dkhot ruh bad kane kala jia ha kylleng jong ka jylla bad ia kum kine ki briew dei ban pynshitom da kaba tyngeh.
