Shillong, Rymphang 13: U principal Secretary jong ka sorkar Meghalaya u ba deipeit ia ka planning Department u R M Mishra, ha ka jingkren plie ka jong u ia ka jinghikai kaba lai sngi lynter halor ka phang ia ka jingdon kam ban tip ia ka “project management” kaba la long ha State central Library, u la ong ka jylla Meghalaya ka long kaba riewspah ha ki liang baroh, hynrei baleit marshiteng ki nongshong shnong ki duk.
Haba plie ia kane ka jinghikai kaba lai sngi lynter, u la kdew ha ba kip or ba la leitnoh ki briew ki hun ia kaei kaba ki ioh, hynrei mynta ka jingkwah jong ki paidbah ki long ki ba bun bad ki jingkwah ruh kila kylla, ka bha shibun ba kane ka jingkwah ka don lada kam don yn nym lah ban poi sha ei sha ei ruh.
U la kdew ruh ba “lada ngi pynkhreh ia kino kino ki peoject tang namar ba kala dei ka kamram ban leh kane kan nym trei kam, ka dohnud ka dei ban ktik dei hang ta kan sa trei kam”. U la ong ba ha kip or ba la leitnoh ka jingkhlain ka shong ha ki briew hynrei mynta kala kylla kabor ka shong ha ki kor kibor jong kane ka juk ba mynta.
U Mishra u la kyntu ia ki to baroh kiba don ha kane kam ba kin sngewthuh haba ki wanrah ia kano kano ka planning ki dei ban sngewthuh shai kdar ki leh na ka bynta jong no, kane ka jingkylli kaba ki hap ban kylli ia lade.
Ia kane ka jinghikai kaba lai sngi la pynlong da ka sorkar pdeng ministry of Statistics and programme implementation, daka jingiatreilang bad ka Planning department jong ka sorkar jylla, u nonghikai ha kane ka jingai jinghikai u dei u K Ojha u director jong ka statistic GOI, kiwei kiba la wan ban shah hikai ki long ki ophisar na ki tnad sorkar baroh jong ka jylla Meghalaya.
