Shillong, Naitung 18: U Boston Marak ha dien ba u la shah jied kum u Chief Executive Member jong ka Garo Hills Autonomous District Council (GHADC) u la ong ba ka kam kaba ha khmat eh ka jong u ka long ban wad pisa ban siew ia ka tulop jong ki nongtrei ka Council kaba la sah teng mynta la khatwei bnai.
Haba kren ha u SP News Agency lyngba ka phone na Tura u la ong ba, “ Ngan khot trei kumno ia ki nongtrei lada ngam lah ban siew ia ka tulop jong ki, ka kam jong nga kum u CEM ka long ban wad lad wad lynti kumno ban ioh siew ia ka tulop jong ki nongtrei”.
Na ka ling jong u CEM u la kubur ba u la iohi ba ki don bun ki jingeh kiba u hap ban ia kynduh kum u CEM jong ka GHADC, ka thong ka jong u ka long ban wan rah ia ka jingkylla ha ki ba bun ki liang hapoh jong ka GHADC na ka bynta ka jingbha jong ka Council. U la ong ba u hap ban durut ban pynbeit ia ki jingeh kiba bun.
Haba ia dei bad ka jingthaw ia ka Executive Committee u la ong ba ia kane yn sa leh hapoh ka shitaiew, ha dien ba u la ia mir jingmut lang bad ki para MDC. Ha dien ba u la jied ia ki MDC ba kin long ki dkhot hapoh jong ka EC yn sa phah sha u Lat jong ka jylla ban ioh ia ka jingmyn jur ka long u.
