Shillong, Jymmang 22: Ka Khasi Jaintia Welfare Association (KJWA) ha ka jing ia snoh ktilang bad Ka skul Khasi Jaintia Presbyterian (KJP) Girl’s Higher Secondary School, Mission Compound Shillong kan pynlong ia ka jingiamareh “Marathon” kaba 5 km bad 10 km ha ha 27 Tarik Jymmang 2017 na ka bynta ki khynnah rit ba naduh 6 snem ka rta shaneng bad 18 snem shaneng na ka bynta ki shynrang ba kynthei ruh.
Ia ka ka marathon la pynlong khnang ban pynsah kynmaw ia ka jingdap 125 snem ka skul ia kaba la seng na u snem 1892 (Quasquicentennial Celebration Of The School). Ka theme na ka ka bynta ka jingrakhe dap 125 snem ka dei “Run for sustainable future ”.
Kan don ka jingaikhusnam kyrpang ia ki nongmareh ba khynnah bad ba la rangbah tam ha ka rta. Ka jingiamareh kan sdang na Skul KJP Mission Compound ha ka por 6 baje mynstep. Kito kiba la dep register kin wan shim ia jingdeng u ban don ia u number na KJP Girl’s Higher Secondary School, Mission Compound Shillong naduh ka por 2 baje shaneng ha ka 24 tarik Jymmang 2017. Tang kiba don ha ka met kaba koit kaba khiah ki lah ban ia mareh ha ka ka marathon.
