Shillong, Iaiong 10: Ka jingiakop thei bha birew jong ka ‘Mrs South Asia, India 2017’ kan long ha ka nongbah jong ka Ri India New Delhi kaba don ha ka 22 tarikb ad kan kut ha ka 25 tarik mynta u bnai, ha kaba ia ka jylla Meghalaya yn mih khmat da ka kong Sabina Parves Warjri. Ki nongiashim bynta baroh kiba la shah jied ki don haduh 28 ngut.
Ka kong Sabina Parves Warjri kaba dei ruh ka Miss Shillong kan mih khmat ia ka jylla Meghalaya ha kane ka rynsan jingiakop thei bha briew bad la da ka jop ha kane ka jingiakop kan long ka nongmih khmat ia ka Ri India ha ka jingiakop bad kiwei pat ki Ri jong ka pyrthei. Ka kong Sabina ka ai khublei ia ki dkhot jong ka Board jong ki Disrector kiba la I bit ia ka ban mih khmat ha kane ka jingiakop.
Ka phang pdeng jong kane ka jingiakop ka long ban ai bor ia ki kynthei bad ban pynneh pynsah ia ka mariang. Kala ong ba kala ia don bynta ha ki kam thung dieng bad kala juh leit ban jngoh ruh ia ki tynmen ki kro kiba sah ha ki jaka ri ia ki tynmen ha kane ka nongbah bah, ka ong “ Nga pang ka mynsiem ba iohi ba ki kmie ki kpa ki shah ieh ha ka jinglong tynmen”.
La ong ba kane ka jingiakop kam dei tang ba la ioh ban ia shim bynta ha ka rynsan, hynrei kaba kongsan ka dei ka thong bad ka thong ka long ban aibor ia ki riew kynthei bad ban pynneh ia ka mariang. Na ka liang jong ka kong Sabina ka kyrpad ia ki paidbah jong kane ka jylla ba kin sngew bha ban kitbok bad ai lem ka jingkyrshan ia ka ha kane ka jingiakop na ka bynta ka burom jong ka jylla bad lada ka jop kan mih khmat ia ka ri sha ki jingiakop jong ka pyrthei.
Ka Irish Manju, kaba la mih khmat ia ka Ri India ha u snem 2015 ha ka jingiakop kaba kum kane ha ka rynsan jong ka pyrthei kala kren diaw ha kaba kala ong ba ka Ri India kam juh ai jingkyrshan ha kaba kum kineki jingiakop, hynrei kine ki nongleit ia shim bynta ha ba ki mih sha bar jong ka Ri India ki mih khmat ia ka Ri baroh kawei.
