Shillong July 23: Ka kynhun Aryans kaba pyniaid ia ki Collages kaba donha Chandigrah ka tyrwa ban ai bai bam ia ki samla pule 100% ia ki samla kane ka jylla Meghalaya lyngba jong ka “Dr. APJ Abdul Kalam ‘Memorial Reignited Scholarship” n aka bynta kito kiba kwah ban pule ia ha ka kam Engineer.
Lada don ki samla kiba thrang ban pule ha kane ka college ki lah ban phone ha une u number 1800-30000- 388 lane ki la ban leit sha kane ka website visit www.aryans.edu.in bad ia kane ki leh ban leh shuwa ban kut une u bnai.
U Amanpreet Singh, u ba dei u dkhot jong kane ka college u la ong ba kane ka jingjied kan long tang na kabynta 100 ngut ki briew bad kata kan ong 50 ngut ia ki shynrang bad 50 ngut ki kynthei bad ia kiba palat na kane kim iarap ban pynioh da ka ram pule lyngba kane ka college.
Ka jingkwah jong kane ka college ban leh ia kane na ka bynta kane ka jylla Meghalaya ka long ba ha u snem 2012, ha ka por ba u dang long u president u Dr. A.P.J Abdul Kalam bam kwai ha dwar u blei u la pynkup ia ka buromia kane ka college da ka khusnam “Excellence of Education” Award ha Ranchi bad kane ka la pynlong ia kane ka college ban iarap kyrpang ia ki samla pule ki don hapdeng ka jingduna ia kiba pule ha ka scientists bad Engineers.
Kane ka college kala iaid mynta shiphew snem bad ka la lah ban iarap ia kiba bun ki samla ba wan na ki long iing kiba duk ha ka jingpule jong ki kum ka Dr. Kiran Bedi Scholarship scheme, Gen JJ Singh scholarship scheme na ka bynta ki khun jong ki shipai, Beti Bachao, Beti Padhao scholarship scheme, Late M. R. Kataria Memorial scholarship, Roshaan Scholarship scheme bad kiwei. Nalor kitei ki don ruh ki jingpule ha kaba ia dei bad ki kam management.
