Shillong, Rymphang 08: Ka kynhun kaba hynriew ngut na ka Ri Bangladesh kila wan sha kane ka jylla Meghalaya na ka bynta ban leit jurip ia u pud u sam ha pdeng ka jylla Meghalaya bad ka Bangladesh ha ki jaka jong ka Lyngkhat bad ka Pyrdiwah hapoh jong ka East Khasi Hills District kaba ym pat ker ksainar shiah.
Ia kane ka kynhun ba hynriew ngut na Bangladesh la lam khmat da u Sheikh Abdul Ahad u ba dei u Director General jong ka Land Record and Survey jong ka Bangladesh, ryngkat bad u la wan lang ruh san ngut kiwei pat ki heh jong ka sorkar Bangladesh ban ia kynduh ia ki heh jong ka sorkar Meghalaya.
Kine ki heh jong ka Bangladesh kiba dei peit ia u pud u sam jong katei ka Ri kila wan sha Shillong ban ia shim bynta ka jingialang kaba 133 ia kaba la tip kum ka “Joint boundary Conference” kaba ar sngi hapdeng ka jylla Meghalaya bad ka Bangladesh kaba la long ha Shillong mynta ka sngi bad kan kut la shai ka sngi.
Katkum ki thymmei khubor ki iathuh ba na ka liang jong ka jylla Meghalaya kiba la lam khmat ia ka jylla ha kane ka jingialang ba 133 “Joint Boundary Conference” hapdeng ka jylla Meghalaya bad ka Bangladesh ki long u PW Ingity Additional Chief Secretary ba dei peit ia ka GAD, ka kong I Mawlong Director jong ka Land Record.
