Shillong, Iaiong 21: Mynta ka sngi ki heh sorkar kila rakhe ia ka sngi ka jong ki bad ka phang pdeng jong kane ka jingrakhe ka long “Ki jingeh ha kaba pynpoi ia ki kam shai paidbah”. Ka myntri ba dei peit ia ka tnad pathai khubor jong ka sorkar ka Dr Ampareen Lyngdoh kala long ka kongsan ha kane ka sngi.
Haba kren ha kane ka jingialang ka Dr Ampareen ka la ong ba ka long kaei kaei kaba don kam ha kaba ki heh sorkar kin ia treilang bad ki nongialam sain pyrthei bad ia kin ear ym lah ban pyniakhlad ha kaba ai ka jingshakri ia ki paidbah. Kala kyntu ia ki heh sorkar ba kin ia leh katba lah ban wanrah ia ka jingshakri kaba iaid beit iaid ryntih ha kaba ki paidbah kin sngew sarong.
Ha ka jingkren jong u Chief Secretary jong ka jylla u K S Kropha IAS, u la ong ba dei ban weng noh ia kane ka rukom trei kam kaba shu ia pynbud tynneng hynrei ki dei ban peit ia kaei kaba ia dei bad ki paidbah bad ka jingiadei ha pdeng ki nongialam sain pyrthei bad katkum ki ain kaba ki ophisar ki hap ban iaid. U la kyntu ia baroh ba kano kano ka kam kaba kitrei ka dei ban kyntiew ia ka jylla bad ia ka Ri barohkawei.
Ha ka por jan meit pat la pynlong ia ka jingiasngap ia ka jingkren jong u mytnri rangbah duh jong ka Ri India kaba la leh lyngba ki kor ki bor katkum kane ka juk kaba mynta na Vigyan Bhavan ha kane ka sngi rakhe kaba 11th ia kaba la tip kum ka Civil Service Day.
