Shillong, Jymmang 31: Ka Langrin Youth Welfare Association ryngkat bad ki paidbha jong ka thain hi ba roh kawei ngi pynrem jur ia ka jing leh riew khlaw da kaba iuhroit ia ka hok jong ki paid bah nongshong shnong jong ka Bri u Hynniew Trep ia ka jing pyrshah ban wan ka lynti Rel halum khasi khlem ka mon hynrei ki la shu leh donbor bad haba ki khynnah pule jong ka bri u hynniew trep ki leit khynra ia ki nong wan trei bylla beain khlem ki kot ki sla ki ba biang.
Ha kane ka jingleit khynra,pynban ki ngat pynban ha ki jing pharep sniew bad ki la kem syndon ia ki nongialam jong ka KSU bad la shu pynngat jubar ha ki ain ba khyllah. Bad ka jing leh buit arsap haba ki khot ia kren iaki dkhot jong ka seng KSU panban ki ngat pynban ha ka jingsha bom sha tied iaki bad wat ia ki paidbah nongshong shnong.
Kane ka pynishai ba u Deputy Commissioner u CP Gotmare bad u Suprintendent of Police uRamesh Singh jong ka Ri bhoi ki shu thymbor la kynnoh ka LYWA, la kynnoh ba kine ki ophisar kila ki la leh tohmet khlem da salia ne pyrwa eiei. Ha jaka ba kin ai jing iada pynban ki thaw jing klumar.
Kumta ma kum ka jait bynriew ba dei hi na ka juh ka doh ka snam kim lah ban shu sngap ne shong kli kti ia kine ki jing leh donbor na ka por sha ka por. Lehse kane ka jing sdang ban thymbor ia ka khyndew ka shyiap ka jaka ka puta khlem da ioh jingbit wat tang na ka KHADC kumba la pynshai da u CEM ban pyntrei ia katei ka jing shna lynti Rel ha Byrni Hat.
Halor kine ki jia ka LYWA ka dawa na ka sorkar Meghalaya ba dei ban tuklar kloi bad ban pylait noh mardor ia ki dkhot jong ka Khasi Student Union (KSU) khlem kino kino ki kyndon lem kumta ngin shim da ka sienjam kiba tyngeh.
Kane ka lynti rel kam ktah tang ia ki nongshong shnong ka katei ka thain Ri Bhoi hynrei kan ktah ia baroh ka jait bynriew baroh kawei lada um don kino kino ki ain ba lah ban khang lane ban talasi ia ki briew kiba wan bunhai shnong khlem ki jing pynshisha ba kiwan ki mih bad leh se ioh ka dei ruh ka jing plie lad syndon ia ki Khar Bangladeshi ki bym dei ki nong India.
Na ka liang ka seng ryngkat bad ki paidbah ngi kyrshan tengeh ia ka KSU horkit hordang ngin nym ailad da leilei ban shah ia katei ka lynti relda ban wan ha ri lum khasi.
