Shillong, Iaiong 24: U Bah Rocket Syiem Director jong ka Distribution la ong ba haduh mynta kim pat ioh ia ka jingkhein haduh katno ka jingduh ki dieng post eletrik ha ka jinglynshop jong ka eriong kaba la jia ha kine ki khyndiat sngi.
Haba kren ha u SP News Agency u bah Rocket la ong ba ki dang shim jingkhien ha kaba ia dei bad kane namar la bun bha kiba shah rat ha ka eriong, la ong ba ia mynta ki dang ia beh ban maramot shuwa ban pynioh bor ding eleltrik sha ki paidbah.
Haba kylli haba ia dei bad ka jingdune ki ding post eletrik na ka liang jong u Director ka Distribution la ong ba kan shisha ka jingduna, hynrei ym ha baroh namar ki dieng post eleltrik ki don bun jait bad la pyndon kam ia ki katkum ka jinglong ki jaka.
La ong ba bun na ki jaka kiba la shah ktah ha ka jinglynshop ka mariang kila lah ban pyndep bad dang don ki jaka kiba dang sah bad ka jingtrei kam dang iaid namar la bun palat, ki jaka ba shah rat ki dieng post eleltrik ha ka eriong.
Lah ban pynkynmaw ba ka eriong kaba khih kyrthep ha kine ki taiew kiba la dep mynta u bnai kala ktah ia shibun ki bynta, kum ka thain Mawkynrew, Mawsynram, Nongnah, Umsning bad Umroi Block.
