Shillong, Jymmang 27: U myntri rangbah duh jong ka Ri India U Narendra Modi haba kren ha ka jingialang paidbah kaba la long mynta ka sngi ha Polo u la ong ba ka jylla Meghalaya ka dei ka jylla kaba ki briew ki sngew tynnad eh ban ia lehkai kynjat bol bad ia kane ka jingialehkai la ialehkai ha baroh ki shnong ki thaw jong kane ka jylla.
U la pynshlur ba ka jylla Meghalaya ka dei ban long ka pdeng ha ka Ri India ba kan sei ia ki rangialehkai kum u Aiborlang Khongjee , Ujinson Lyngdoh kine kila mih khmat ia ka ri India ha ki jingialehkai kynjat boll, u ong ba da ka jingdon ia kane ka ma madan ialehkai kynjatboll kaba u la buh mawring mynta ka sngi kan iarap ia ka jylla ha kane ka kam kynjatboll.
U la pyntip paidbah ba ka World Cup jong ka Under-17 kan long ha India ha u snem 2017 bad u kyrmen skhem ba kane ka jylla Meghalaya kan sei ia ki rangialehkai kiba kynsai bad kan long kaja ai jinghikai ia ki samla ha kane ka jingialehkai kynjat boll.
