Shillong, Naiwieng 01: U myntri ka koit ka khiah jong ka jylla u bah AL Hek u la ong ba ka skhim MHIS ka dang don ka sorkar ka khlem pynsangeh ia kane ka skhim.
Ka sorkar jylla ka dang ialeh ban pynbiang ia kane ka MHIS da kaba shimlang ha juh bad ka skhim jong ka sorkar pdeng ia kaba la tip kum ka PMJAY bad kane ka skhim ka long ban kyntiew ia ka jingiarap sha ka T.5,00,000/- tyngka na ka bynta kawei ka iing.
La ong ba ha ka MHIS kaba la dep ka jingiarap ka long tang T.1,80,000/- lak tyngka na ka bynta kawei ka iing. Ha kane ka skhim kaba mynta baroh ki long iing ha kane ka jylla kin ioh lut ym kum kato kaba mynshuwa ha kaba ki nongtrei sorkar kim ioh ia ka.
Na ka liang jong ka tnad ka koit ka khiah bad ka MHIS ka dang iaid ha kaba pynkhreh ban jied ia ki kompeni namar la khot tender biang ha ka 26th Risaw 2018 ba ka bynta ban pyntrei kam ia ka na ka liang jong u myntri u la ong ba shen kan sa trei kam noh shen.
U Bah Hek u la ong ba ka don ka jingdkhoh ha kaba pyntrei kam ia ka MHIS ka bynta ba nyngkong bad ia ka MHIS kaba bynta kaba ar ruh kum juh. Ia ka bynta kaba ar lei ka don ka jingsangeh naduh u Naiwieng 2016 haduh u bani Jylliew 2017.
Na ka liang jong ki paidbah kin ai ka jingkyrshan ia ka sorkar na ka bynta kane ka skhim kaba kin sa pyntrei kam noh shen ia kaba la kyntuplang ia ka AB-PMJAY ha kane MHIS kaba ka sorkar kan sa pyntrei kam mar ia dep ban pynbiang ia kane ka jingdon kam baroh.
