Shillong, Jylliew 16: U Vice president jong ka NCP Meghalaya state Unit u Vijay Raj bad u Saleng A Sangma u ba la pyniasoh sha ka seng NCP, ki la ong ba kin sa thoh sha u myntri rangbah ka jylla u Dr Mukul Sangma ban khot ia kren ia ka seng KSU halor ka lynti rel ban dup lah ban ia pynbeit ia kane ka jingia kynad kaba la ktah ia ka shong suk shong sain ha ka jylla.
U Saleng u la ong “ Lada ki briew kim kwah balei ban pynbor, ki seng bhalang hapoh ka jylla Meghalaya ki dei kiba ha iing ha sem”. Kumba ka long ka jylla mynta kala don ka jingiakynad ha ka jingbym don ka shong suk kane kala jia, ki seng bhalang kim pyrshah ia ka lynti rel hynrei ki pyrshah ia ka jingwan tuid ki briew kiba na bar.
U MLA jong ka Gambegre, u la ong ba ki briew jong kane ka jylla ki don ka jingsngew jan kaba kyrpang bad ka jaka puta ka khyndew ka shyiap bad lada wan kino kino ki kam pynroi kaba ki sngew ban ktah ia ka khyndew ka shyiap ki don ka jingsngew shepting, ban weng ia kane ka jingsngewthuh bakla na ka jingmut jingpyrkhat jong ki briew dei ban khot ia kren ban kiar na ki jingia kynad halor kane ka seng NCP kan sa phah da ka jingthoh sha u Dr Mukul Sangma ban khot ia kren ia ka KSU.
