Shillong, Risaw 6: Ka phainal jong ka jingiakop rwai kaba la pynbeit da ka “Red Ribbon Super Star Campaign-Meghalaya Icon VI” kan long ha ka sngi saitjain ha Madan Malki bad kan sdang ha ka por 12 baje shiteng sngi.
Lah ban kdew hangne ba kane ka jingpynlong ia kum kane ka jingiakop rwai ka long ban pynsngewthuh sha ki paidbah kumno ban kiar bad ban lait na ka jingpang HIV bad AIDS. Ha ka juh ka por ba kyntu ia ki samla kiba don ia ka sap ba kin lah ban pynpaw pyrthei.
Ha ka juh ka por ruh ka long ba kin sngewthuh ia kaei ka phang kaba kane ka jingiakop rwai ka kren bad ka kdew, bad u ne ka nongjop ha kane ka jingiakop u ne ka kin long ki nonglam ktien ban pynshaphriang ia ka khubor ba dei ban ia khun pyrshah ban pynduh jait ia kane ka jingpang bad yn long u nongialam ktien jong Meghalaya AIDS Control Society na ka bynta shisnem.
