Shillong, Risaw 04: Ki nonghikai SSA mynta ka sngi kila ia kynduh ia myntri pule puthi jong ka jylla ka Debora C Marak ban ia kren bad ka halor ka kam nonghikai u ba saw ha ki skul SSA, u ba ka sorkar ka kwah ban rah noh sha ki skul Lower Primary.
Ha kane ka jingiakren bad ka myntri la iathuh ba ka phial kaba ia dei bad kine ki nonghikai mynta kala don ha ka kti jong u myntri rangbah ban shim ia ka rai kumno ban leh, na ka liang jong ka myntri kala ong ba kaei kaba ka lah ban leh na ka liang jong ka long ban ia kren bad u myntri rangbah.
U Bah HM Marbaniang haba kren ha ki nongthoh khubor ha dien ka jingiakynduh bad ka myntri, la ong ba kane ka jingwan jong ki mynta ka sngi ka long ban pynkynmaw ia ka myntri ia kaei kaba kila ia kren bad u Dr R C Laloo mynshuwa ha kaba ia dei bad ka jingdawa jong ki ban pynkiew ia ka tulop jong u nonghikai u ba saw ha ki skul SSA.
Kumba ka long mynta u nonghikai u ba saw ha ki skul SSA ha ka jylla ki don 1521 ngut,ha ki 15 tylli ki sub division jong ka jylla bad ka jingsiew iaki ka long tang T.6000/- tyngka ha ka shibnai katba ka kam kabaki trei kalong kum juh bad ki nonghikai SSA kiba ioh T.9200/- ha ka LP bad kiba hikai ha ka UP ki ioh T.9900/- kum ka seng ka kwah ban ka sorkar ka dei ban siew kumjuh.
Haba ia dei bad kane ka seng ka kwah ban ioh ia ka jingpynshai na ka sorkar hapoh shi bnai bad lad aka sorkar kam lah ban ai ia ka jingpynshai kin pynlong da ka jingiakhih.
