Shillong,Jymmang 10: Ka Punjab National Bank, ka dei kawei na ki bnak kiba la shim khia ban kyntiew ia ki nongkyndong kala buh ia u Mawnongrim jong ka tand trei kam jong jong ka ha kane ka jylla Meghalaya ia kaba la tip kum ka Rural Self Employment Training Institutes (RSETIs) ha upper shillong jong ka East Khasi Hills District. Ia kane ka tand trei kam la seng katkum ka jingbthah jong ka tand pynroi nongkyndong jong ka sorkar pdeng.Ia u Mawnongim la buh da ka kong Roshan Wajri myntri kam poh iing ka sorkar jylla.
Haba kren ha kane kane ka jingialang ka Usha Ananthasubramanian, Managing Director bad CEO, Punjab National Bank, kala ong ba naka liang jong ka Bank kan shim kumba 100 ngut ki khynnah kynthei ban ai jingiarap ia ki T.3500/- tyngka shisnem haduh ba kin da pyndep iaka Class 12th. Ia kane ka jingiarap yn ai na ka skhim kaba la tip kum ka PNB Ladli Scheme.
Kane ka jaka ia kaba la tip kumka RSETIs kan long ka jaka ai jinghikai ia ki nongkyndong ba ki lah ban pyntbit kyrpang ha kano kano ka kam kaba ki kwah, na ka liang jong ka Bank ynda ki samla kiba la wan ban shah hikai ha kane ka jaka ki la dep ia ka jingpyntbit ka jong ki ka Bank kan jied 1000 ngut ki kynthei ban ai ei ia ki tiar ki ban shong dor haduh T.3000/- tyngka.
Na ka liang jong ka PNB kala buh ia kun kine ki jaka ai jinghikai ha ki 12 tylli ki jylla jong ka Ri India bad kane kaba la buh Mawnongrim mynta ha Upper Shillong ka dei kaba nyngkong ha kane ka dong shatei lam mih ngi jong ka Ri India. Kane kan long ka jaka ban hikai iaki samla kane ka thaiñ ba kin pyntbit ïa lade ha ki kam ba bun jaid katkum ka jingdonkam kane ka juk kaba mynta lane ba kin lah ban seng iala ki jong ki kam ki jong ki.
Na ka liang jong ka Myntri kam Poh iing ka kong Warjri kala pynpaw ia ka jingsngewnguh ka jong ka ia kane ka Bank ba kala buh ia kane ka jaka hikai kyrpang ia ki samla nongkydong ha kane ka jylla Meghalaya bad ka don ka jingkyrmen ba kane kan iarap shibun ia ki samla ha ki nongkyndong ban ieng ha la ki jong ki kjat.
