Shillong, Nailar 24: U president jong ka National People’s Party (NPP) u la ong b aka rai jong ka Meghalaya High Court ban pynkut noh ia ka Public Interest Litigation (PIL) bala mudui da ka Civil Society Women Organization (CSWO) halor ka kam bam armaloi ka long ka jingpyndik kaba khraw ia kane ka sorkar jong u Dr Mukul Sangma kum u myntri rangbah ka jylla.
Na ka liang jong u tei u nongialam jong ka NPP haba ai burom ia u CEM jong ka KHADC u Bah PN Syiemjong halor kane ka jingjop ka jong u, u la ong ba kine kiei kiei baroh kan pynlong ia ka sorkar jylla b aka dei ban da peit bha haba ka wanrah ia kano kano ka Bill hapoh iing dorbar.
Haba kren ha ki nongthoh khubor mynta ka sngi u la ong ba kane ka rai jong ka MHC kala buh ia ka sorkar ha ka jinglehrain ia ka sorkar, ia u myntri rangbah bad ia ki ophisar baroh.
Ha ka jingshisha la dei ban da peit bniah shuwa ban wan rah ia kane ka Bill ban khanglad ia ka jingbam armaloi “ la ong leh se ka dei ka jingshah pynbor ha ki nongialam sain pyrthei ban wanrah ia kane ka ain, kaba la long ka jingbakla kaba khraw na ka liang jong ka sorkar”.
Ka jingleh kyrkieh jong ka sorkar ban pass ia kane ka bill ban khang ia ka jingbam armaloi ka dei ka jingpynhiar kput iano re iano da ka sorkar, la ong u Conrad, kane ka jinglong kam long kaei kaei kaba bha n aka bynta ka jylla.
Kane ka long ba ain ka dei ka ain, bad kane ka long kum ka jingshah symbat ia u myntri rangbah ka jylla , ha kaba u dei ban kiar ia kum kine ki jingleh, hynrei u dei ban kham pynleit jingmut ha kaba pyrkhat na ka bynta ka roi ka par jong ka jylla, la ong u MP na Tura u Conrad.
